Greda lamgonga mwendesha pikipiki mjini Musoma, alasiri hii

Umati wa mashuhuda wa tukio hilo

Ajali mbaya iliyohusisha Greda na Bodaboda imetokea alasiri hii mjini Musoma katika makutano ya Barabara ya Shabani na Bus Stop. Ajali hiyo imesababisha abiria aliyekuwa amepakiwa katika pikipiki hiyo kujeruhiwa vibaya eneo la tumboni baada ya kuburutwa na mashine hiyo ya kutengenezea barabara.

Hata hivyo, limetokea gari la shirika la umeme TANESCO na kumchukua majeruhi huyo na kumkimbiza katika hospitali ya Mkoa wa Mara. Mpaka mwandishi wetu anaondoka eneo la tukio kulikuwa na sintofahamu ya ni wapi dereva wa pikipiki na greda hilo walipoelekea kwani mashuhuda wa tukio hilo wanasema dereva wa pikipiki alikimbia punde tu ajali ilipotokea.

Shukurani kwa picha na taarifa: Magiri Paul

Pikipiki iliyogongwa katika tukio hilo