VATCAN YAMPONGEZA DIDIER DROGBA

Vatcan imempongeza Mshambuliaji wa Ivory Cost na CHELSEA kwa kuishuhudia imani yake mbele ya ulimwengu mzima na kwa kudhihirisha anavyomtegemea Mungu katika Maisha yake.

Nyota huyo wa soka Mkatoliki alipiga ishara ya msalaba hadharani baada ya kufunga bao la kusawazisha dhidi ya Bayern Munich ya Ujerumani kwenye mchezo wa fainali wa club bingwa ya ulaya, dakika ya 88 ya mchezo. Drogba alirudia kupiga ishara ya msalaba kama ishara ya kumshukuru Mungu katika Muda wa ziada baada ya Mchezaji Robin kukosa penalt iliyokuwa imesababishwa na yeye Drogba.

Kana kwamba haitoshi, Drogba alionekana amepiga magoti akisali wakati wapinzani Munich wanapiga penalti ya mwisho ya maamuzi, akijiandaa kwa zamu yake ya kwenda kupiga penalt ya mwisho kwa upande wa timu yake.

Na hatimaye Drogba akapiga ishara ya msalaba ya wazi zaidi kama kitendo cha kwanza kabisa baada ya kufunga penalt ya ushindi iliyoipa ubingwa Chelsea, tofauti na matarajio ya wengi kwamba angeanza kukimbia kurukiana na wenzake kabla ya kuukumbuka mchango wa Mungu kwenye kufunga kwake penalt ile muhimu.

Kana kwamba haitoshi, Drogba alipofuatwa na waandishi wa habari kutaka maoni yake baada ya ushindi, swali la kwanza aliloulizwa lilikuwa "What do you tel the world today Drogba", yaani "Unauambia nini ulimwengu leo Drogba". Jibu la kwanza la Drogba lilikuwa: "Glory be to God. At last we have accomplished the mission". Yaani "Utukufu kwa Mungu, hatimaye tumetimiza ndoto".

Vatcan imesisitiza kwamba ni mara chache sana kukuta nyota wa kiwango kikubwa ulimwenguni katika fani yoyote anamtegemea Mungu waziwazi katika fani yake, na anamtukuza Mungu bila kuficha mpaka kilele cha mafanikio yake.

MIMI NA WEWE TUNAJIFUNZA NINI HAPA?