Mwenge wa Olimpiki waashwa Ugiriki

Moto wa mwenge utakaotumiwa kuasha mwenge wa mashindano ya Olimpiki mjini London uliashwa mahali yalipozaliwa mashindano ya kale ya Olimpiki siku ya Alhamisi.

Mwenge wa Olimpiki

Muigizaji mwanamke, aliyevalia kama mtawa mwanamke wa enzi za miungu wa Kigiriki alitumia kiyoo kupokea mwanga wa jua na kuasha mwenye.
Kukiwa na jua la kutosha angani, hapakua na sababu ya kutegemea moto kutoka kwingine wakati wa kufanya majaribio ya mwisho kuasha mwenge wa Olimpiki siku moja kabla.

Mwenge wa Olimpiki

Baada ya sherehe za kufana, mtawa huyo atakabidhi mwenge kwa mtu wa kwanza kutembeza mwenge huo, mwanariadha muogeleaji kutoka Ugiriki aliyeshinda medali ya fedha kwenye mashindano yya Olimpiki Spyros Gianniotis.
Gianniotis ni mmoja wa watu 490 watakaotembeza mwenge huo mwendo wenye umbali wa kilomita 2,900 kupitia Ugiriki kabla haujakabidhiwa kwa watayarishaji wa mashindano ya London tareh 17 Mayyy.
Tafauti na tabia ya mashindano ya awali, ambapo mwenge huu unazungushwa dunia nzima, safari hii utavuka nje ya visiwa vya Uingereza mara moja u, kupitia Dublin mnamo tareh 6 Juni.
Mashindano ya Olimpiki yataanza tareh 27 Julai hadi tareh 12 Agosti 2012.